ههموو ساڵێ له جیهان دا ڕاپهرینێکی پان و بهرین به شکۆیهکی تازهتر و زیاترهوه بهڕێوه دهچێ که بناغه ی ئهو ڕێ و ڕهسمه دهگهڕێتهوه بۆ مێژویهکی قوڵی چهند ههزار ساڵه.
ڕووداوێک که له ڕۆژههڵاتی ناوهراست له مهودایهکی سێ گوشهی کوردستان و فهڵهستین و مهککه پێکهات ئهویش به دهستی ئیبراهیم، باوکی پێغهمبهران، به ئامۆژگاری خودای ئهرز و ئاسمان.
ڕاپهرینی ئیبراهیم بۆ بهرز بوونه وه ی بیرو باوهڕ و پهرهستنی دانه ری ئه ستێره و مانگ و ڕوژ، بۆ ئازاد کردنی خهڵک له زنجیری بتهکانی دهستکرد و تێکشکاندنی تهڵهسمی مهکروفێڵی نهمروود، ههروهها بۆ ڕزگاری له کۆیلهتی به شێوهیهکی حه کیمانه. بهڵێ ههر چهند لهو پێیهدا تووشی گیر و گرفتی زۆر قوورس و ئاوارهیی بوو، به ڵام خۆی لهگه ڵ ههموو کهس ههموو جێیهکهدا دهدی و بهر بڵاوی بیر و بۆچوونی تایبهت به نهتهوهیهک و شوێنێک و کاتێک نهبوو بهڵکو به ههموو نهتهوهکان و گشت شوێنهکان و داهاتووی جیهاندا گهوره دهبۆوه، به چهشنێک که دهبوو به زهمان و مهکاندا بڵاو بێتهوه، بۆیه دهبینیین ئهورۆ به ئهرز و ئاسمان و ئاودا وهڵامی بانگهێشتنهوه کهی دهدرێتهوه.
کاتێک ئیبراهیم لێبڕاوانه بۆ جێبهجێ کردنی ویستی پهروهردهگار به گیان و ماڵ و خێزان ههوڵی دا و هیچ کهندو کۆسپێک لهو ڕێبازه ساردی نهکردهوه تا گهیشته پلهی بهرزی متمانه و باوهڕ به خودا و بهخۆ بوون .کاتی ئهوه هات ناوهندێک بۆ یهکیهتی ئوممهتان و یهکتا پهرهستی یهزدان تهرخان بکرێ و له لایهک بیری خهڵک له هاڵۆزی و له لایهکی کهوه له دابڕان و پچرپچر بوون بۆ سهر شاڕێی یهک بوون ڕێنوێنی بکا.
بۆیه پهروهرده گار ئامۆژگاری دهکا بینایهک دا بمهزرێنێ ببێته نیشانه و سهرچاوهی تێکهڵ کردنهوهی نهتهوهکانی ئادهم.
بینایهکی چوارگۆشه، به قهواره بچووک، به مانا بهقهد ههموو جیهان بۆ دهرکهوتنی ئهومانایه ڕێ و ڕهسمی تایبهتی و چهندین دروشمی کرده وه یی و چه ند ڕۆژی مێژوویی له چهند شوێنی دیارکراو، داڕێژرا.
بهڵام ئایا لهو سهردهمهدا چۆن به گوێی جیهانیان و سهده و ههزارهکانی دوایی بگهینێ و چۆن بانگهێشتنهکهی وهلام بدهنهوه؟!
ئهو کارهی به خودا سپارد و خوداوهندیش به چهشنێکی به دڵ و گوێی مرۆڤایهتی گهیاندوه که ئهوڕۆ به سێ ڕێگای ئاو و ئاسمان و زهویدا کاروانی لهپسانهوه نههاتووی میوانانی ماڵێ خودا ههموو ساڵێ درێژتر دهبیتهوه.
میوانانی ئهو بانگهوازه دهکهونه جیهانێکی جیاواز له جاران له دوو بواری زهمانی و مهکانیهوه یانی حوورمه ت و پاراستنی ڕێزی ئهو مانگ و رۆژانهی حهجی تێدا دهکرێ و ههروهها دوو شاری ئهمن و پیرۆزی مهککه و مهدینه.
له یاسای ئیسلامدا سێ مانگی ذیقهعده و ذیحهجه و موحهڕڕهم که به شوێن یهکهوهن و ههروهها مانگی رهجهبیش، کاتی وهلانانی دوژمنایهتی و تهرکی ههر چهشنه کهرهسه و رهفتارێک که بۆنی شهڕی لێ بێ و به پێچهوانهوه ههل و مهرجێکن رهخساون بۆ تێکهڵ بوونهوهی دۆست و دوژمن و دامهزرانهوهی پهێوهندی،هاتووچۆ کردن و کڕین و فرۆشتن، ههروهها له بیربردنهوهی ناکۆکی و شکاندنی ئابلۆقهکان، که لایهنهکانی گیانی و رووحی و ئابووری دهبووژێنهوه و دهگهشێنهوه.
حاجی و ڕێبواری ئهوسهفهرهش ههر له سهرهتای لهبهرکردنی بهرگی ئیحرام تاکۆتایی ڕێ و ڕهسمهکه بهڵکو دواتریش دهبێ دهست و دڵ و داوێن و زوبان و ددان به تهواوی له نههیکراوهکان بپارێزێ و ڕێز و حوورمهتی دوو ناوهندی ئهمن و ئاسایش، واته مهککه و مهدینه ڕاگرێ به کورتی گیان و ماڵ و ئابڕووی مرۆڤایهتی و لایهنهکانی سروشتی و کۆمهڵایهتی حوورمهت لێگیراو دهبێ بپارێزرێن. بهو جۆره ههموو ساڵێ چهند ملیون کهس دهرسی ئهمینداری و ئهمانهتداری دهور دهکهنهوه .
تهواف: گهڕان به دهوری کهعبهدا بهمهبستی لانهدان له یهکتا پهرهستی و هاوئاههنگی لهگهڵ مهتر و مهکان که بهمهدار و مهسیری دیارکراودا ده خولێنهوه و تهبایی و رێکوپێکی بوون تێک نادهن.
هاتووچۆی بهینی سهفا و مهروه به مهبهستی ههنگاو ههڵێنانهوه له ڕێی خودادا و وهبیرهێنانهوهی هاجهره خاتوون و کۆرپهکهی که بوو به مایهی ئاوی زمزم و ئاوهدانبوونهوهی ئهو شوێنه.
کۆ بوونهوهی تهواوی حاجیان له عهرهفات یانی ههموو چین و توێژ و تیره و تایفه به جیاوازی ڕهگهز و پێناسه و کهسایهتی وهک رۆژی حهشر که دیمهنێکی بێوێنه بهدیدێنێ، دواتریش سهحرای موزدهلیفه و مینا وهک ئۆردوویهکی ئاماده بوون بۆ ماوهی چهند رۆژ بهڕێوه دهچێ.
قوربانی کردن یانی پێشکهش کردنی دیاریهکی جوان به خوداو خهڵک و گۆڕینهوهی خۆشهویستی ماڵ به خۆشهویستی خودا و خهڵک که دهبێته هۆی پێکهاتنی سفرهیهک، که لانیکهم له ساڵدا جارێک، یان چهند جهم ههموو خهڵک له یهک تهعام و خۆراکدا هاوبهش بن چوونکه گۆشتی قوربانی بۆ فهقیرو دهوڵهمهند موسوڵمان و غهیره موسوڵمانیش دهنێردرێ، که دهبێته هۆی پاکی دڵ و بهزهیی و دهرکهوتنی سیفهتی سهخاوهت.
بۆیه خۆشهویست فهرموویهتی بهر لهوهی خوێنی قوربانی بگاته ئهرز خێرهکهی دهگاته عهرش و به یهکهم قهتره که دهرژێته ئهرز تاوان و گوناههکانی خاوهنهکهی ههڵدهرژێته سهر ئهرز.
بهڵێ ئهو چهند رۆژهی حهج پڕه له ههڵسووڕان و تین و تاوی تازهبوونهوه و دامهزرانهوه و ساڕێژکردنهوهی لایهنهکانی رووحی، ئهخلاقی و کۆمهڵایهتی و نێو نهتهوهیی.
کهعبه وهک ماڵی گشتی ههموو بهشهر وهک دڵی زهوی ئهویندارانی ڕادهکێشێ و دوای پاک و خاوێن کردنهوهیان به دهمارهکانی زهویدا بڵاویان دهکاتهوه، ههروهها وهک دارێک وایه که لق و پۆپهکانی که مزگهوتهکانن به سهر وهڵاتاندا بڵاو بۆتهوه .
بهو جۆره بانگهوازی ئیبراهیم ههست و بیری ئیبراهیم له کهسایهتییهکهوه بۆ بنهماڵه و تایهفه و نهتهوه و ئۆممهت گهوره دهبێتهوه و به زهمان و مهکاندا بڵاو دهبێته وه. تا سهر زهوی و مرۆڤایهتی وهک یهک بنهماڵهی گهوره ژیانێکی هاوبهشیان ببێ.
ئیمهش به ڕاگرتنی ڕێزی ڕوژانی پڕ بایهخی حهج و قوربان مزگهوت ماڵ و وهڵاتمان پڕ کهین له بۆن و بهرامی یهکیهتی و یهکتا پهرهستی و ڕێز و حوورمهت له گیان و ماڵ و ئابڕوو و سامانی سروشتی و گشتی بگرین.
ههر شهکاوه بێ ئاڵای یهکیهتی و یهکتا پهرهستی.
بۆچوونه‌کان